Melriat khelmual thar laih tur Bialtu MLA-in a chêk hawng

Horticulture Development Board vice chairman Dr F Lalnunmawia, MLA chuan nimin khan Melriat Kaihlet rama khelmual laih tur lungphùm a phùm bakah a chêk hawng a; Khelmual laih bul ṭanna atan MLA fund aṭangin pawisa a hlân nghal.

Melriat VC president Lalthankima kaihhruai inkhawmah Dr F Lalnunmawia chuan, Melriat khawtlangin khelmual an neih theihna tura ram inthleng remtitu minister R Lalzirliana leh Power & Electricity department chungah lawmthu a sawi a; infiamna chu ṭhalaite ruihhlo laka vênna a nih theih thu sawiin, "Melriat playground hi nakinah artificial grass phaha field puitling a nih theih nan hmalak a ni dawn," a ti.