Hripui vei hmuh tharte Mizoram chhunga kái vek, natna lang 14

November 5, Ningania Mizorama Covid-19 vei hmuh chhuah mi 32-te chu Mizoram chhunga kái châwng vek an ni a, an zingah natna lang chhuak (Covid-19 symptom nei) mi 14 awmin, symptom nei zingah kum 80 chuang mi pahnih an tel.

Covid-19 positive hmuh thar mi 32-te chu Aizawla veng 12 bakah, khaw dang pahnih - Champhai leh Lawngtlaia mite an ni a, an zinga pakua chu hri kài ṭanna hriat a ni lo a, an chanchin kimchang hriat theih loh mi pahnih an awm bawk.

Mi 32 zinga 14-in Covid-19 symptom an nei a, mi dang 18-in an nei lo. Symptom nei zingah Kanan Venga hmeichhia kum 93, Dinthar venga mipa kum 82 leh hmeichhia kum 72 (nupa), Chhinga Venga mipa kum 67 leh Chanmari West-a mipa kum 61 an tel.