Open tender hmangin SYS dept.-in hna pe lo

Sports & Youth Services minister Robert Romawia Royte chuan ZPM member Dr Vanlalthlana zawhna ziaka chhángin, kum 2019 aṭangin SYS department-in open tender hmangin hna an pek loh thu a tarlang.

SYS minister Robert Romawia tarlan danin, kum 2019 aṭangin Sports department-in restricted tender hmangin hna 52 an pe chhuak tawh a; restricted tender hmanga hna pek tam ber chu M/s Decor India, GS Road, Guwahati niin, hna 16 pek a ni.

Restricted tender hmanga hna pek zinga sum tamna ber chu Lungleia District Sports Complex siamna tur niin, cheng nuai 4,476.12 man a ni a, Leitlang Consultant, Lunglawn, Lunglei hnenah pek a ni.

Sum tlemna ber chu Mission Venga Mizoram Table Tennis Hall zauhna (extension) a ni a, cheng nuai 20 man niin, Lalhmachhuana, Tlangnuam-in a thawk a ni.