Excise-in methamphetamine mûm 1,00,000 man

Excise & Narcotics department (END) chuan nimin zing dar 9:15 khan Edenthar Veng, Aizawlah metham­phetamine mûm 1,00,000 (kg. 9.782) an man a, Tahan, Myanmar aṭanga lak, state danga hralh tura tih a ni.

END hian meth lei leh hralh tumnaa inhnamhnawiha puh mi panga - Manik Debnath (39) leh Ram Chandra Das (35), Tripura West ve ve nia insawi te, Zonunsanga (32) s/o Ramhluna (L) leh Lalruatzela (31) s/o Lalringliana, Khawmawi, Myanmar-a khawsa ve ve nia inchhálte leh, Khawpuimawia (32) s/o Biakthanga, Khawmawi, Myanmar, tuna Edenthar Venga khawsa mek nia inchhálte an man. Meth an hralhna tawhna sum leh an phurhna lirthei Maruti Brezza car MZ-01 X-0090 an man bawk.

Methamphetamine vanga mante lakah The Narcotics Drugs & Psychotropic Substances Act, 1985 tlawhchhanin thubuai ziah luh a ni.

Meth vanga mante chu thiam loh chantir an nih chuan kum 10-20 chhung jail tàntir leh Rs 1,00,000-2,00,000 chawi tura hrem theih an nih thu END chuan an tarlang.