July chhungin rakzu litre 9,233.31 leh zu dang ûm 3,735 & lt. 354.5 man a ni

Excise & Narcotics department (END) leh Mizoram Police chuan July 2023 chhung khan MLP Act, 2019 tlawhchhanin rakzu litre 9,233.31 leh zu dang chi hrang hrang ûm 3,735 leh litre 354.5 an man a, zu zuar mi 530 leh zu rûi mi 33 an man bawk.

Sorkar thuchhuah tarlan danin, July thla chhunga rakzu man litre 9,233.31 zinga litre 8,960.31 chu END man niin, lt. 273 chu Police man a ni a; zu bilh lai END-in ṭín 9,842 leh Police-in lt. 30 an man bawk.

Sapzu (Indian made foreign liquor) ûm puitling (ml. 750) END-in 1,888 manin, Police-in 24 an man a, a vaiin ûm 1,912 a ni. END leh Police hian sapzu ml. 375 ûm 681 leh ml. 180 ûm 924 an man bawk a; Burma zu (BEDC) litre 354.5 leh ram dang zu ûm 218 an man bawk a ni.