VC leh LC 10-a by-election-ah MNF leh ZPM party-te an chak

August 22, Thawhlehni khan Mizoram district ṭhenkhata village council pariat leh Aizawl local coun-cil pahnihah by-election buatsaih a ni a, vote thlâk zawhah vote tlate chhiar nghal niin, zanah result puan a ni. MNF leh ZPM-in seat an la a, Congress party-in seat lâk an nei lo.

Hnahthial district-a Bualpui V-ah by-election neih a ni a, voter 384 zinga 322 (83.85%)-in vote an thlak a; seat pathum awmte chu MNF party-in an la vek a ni. Bualpui V-ah hian VC member zawng zawng a thara thlan a ni a, by-election neihna dang zawngah chuan VC/LC seat mal ruak hnawhkhat tur thlan a ni thung.

Lawngtlai district-a VC pasarihah by-election neih a ni a, Kakichhuaha seat pakhat leh Kawnkhuaa seat pahnihte chu chuhtu dang awm loh vangin MNF-in an la. Chamdurtlang, Dumzautlang, Nghalimlui leh Lawngtlai Bazar Vengah seat pakhat ṭheuhte chu MNF-in an la a; Lawngtlai Electrict Venga seat pakhat chu ZPM-in an la thung.

Aizawla local council pahnih - Luangmual leh Salem Vengah seat pakhat ve ve atan by-election neih a ni a, ZPM candidate an chak ve ve a ni.