Central YMA-in lei chima mawhphurhtu hrem an phût

Central YMA chuan thuchhuah siamin, Sairang Zero Point bula Railways lei dawh mek chim vanga chhiatna thleng chu pawi an tih tak zet thu an tarlang a; chhiatna thlen chhan chhui a, mawhphurtu hrem ngei an nih nan hma la turin Railways leh Mizoram sorkar thuneitute an ngen.

CYMA chuan, chhiatna thlenga thi chhungte an tawrhpui thu leh hliamte an dam leh thuai an duhsak thu tarlang a; "Chhiatna thlen chhan dik tak chhui chhuak a, a mawhphurtu hrem an nih ngei theih nan leh an siam tawh chin pawh mipui tan a him leh him loh enfiah kawnga hma la turin Mizoram sorkar leh Railways thuneitute kan ngen. Nunna chánte leh hliamte zangnadawmna pe ngei turin contractor ABCI-BBJ (joint venture), Silchar kan beisei bawk," an ti.