Excise-in zu, heroin leh ganja an man

Excise & Narcotics department (END) chuan August 22, Thawhlehni khan Mizoram hmun hrang hrangah zu tam tham tak an man a, hmun pathumah heroin an man a, hmun pakhatah ganja an man bakah, zu siamna hmun 19 leh zu siamna bungbél 35 an tichhia.

Excise & Narcotics PRO tarlan danin, END hian Thawhlehni khan rakzu litre 1,637.300 an man a, chu'ngte chu Aizawla man lt. 387, Lungleia man lt. 784.300 leh Serchhipa man lt. 500 a ni. Sapzu ûm 454 leh beer búr 72 an man bawk.

END chuan August 22 chawhnu dar 1:15 khan Champhai Vengthlanga Nazareth Vengah heroin gram 49.460 (hawng 4) leh a neitua puh Vanlalhnemi (27) d/o C Lampianga, Champhai Bethel Venga khawsa nia inchhál chu an man a; chhun dar 12:30 khan Chanmari West-ah heroin gram 37 (hawng 3) leh a neitua puh K Vanlalmuana (50) s/o K Liandanga (L), Chhanmari West leh Rosangliana (41) s/o Rokunga, Khawruhlian nia inchhalte an man.

Nimin zing dar 1:50 khan Aizawl Hospital bulah heroin gram 11 (hawng 1) leh a neitua puh Lalremruati (32) d/o John Sailo, Mission Venga khawsa nia inchhál an man bawk.

END-te hian nimin zing dar 7:50 khan Aizawlah ganja kg. 17.980 leh a neitua puh Abinash Sukhomoy Tripura (27), Salgana, Cachar district, Assam an man a; ganja phurhna car MZ-01 X-6737 an hrêng nghal a ni.