PMAAGY kalpui dan tur rêl

Kolasib DC John LT Sanga kaihhruaia nimina District Committee on Pradhan Mantri Aadi Adarsh Gram Yojana (PMAAGY) ṭhukhawm chuan Kolasib district-a khaw pariata hmalakna kalpui dan tur an rêl. Kum 2023-24 chhunga Kolasib district-a PMAAGY sum nuai 163.04 hmanga hmalakna tur an sawiho bawk.

Lawngtlai District Committee on Pradhan Mantri Aadi Adarsh Gram Yojana pawh an chairman H Lalhmingthanga, bawrhsap hoin tun hnai khan DC conference hall-ah an ṭhukhawm. Kum 2023-24 atana Lawngtlai district aṭanga PMAAGY hnuaia khaw thlan 58-in Village Development Plan an siam chu an pawm.

PMAAGY hnuaia khaw thlante hian PMAAGY aṭangin khaw hmasawnna tur cheng nuai 20.38 zel an dawng dawn a ni.