SEDP Phase-III kalpui leh rêl

SEDP Executive Board chu an chairman Tawnluia, deputy chief minister kaihhruaiin nimin khan Planning & Program Implementation department Committee Room-ah an ṭhukhawm a; SEDP hnuaia ṭanpuina sum sem (family oriented) phase I leh II kalpui mek chu a zawh hunah chhungkaw thar 60,000 huam leh turin phase III kalpui leh an rêl.

Ṭhutkhawmah hian, Planning Board vice chairman H Rammawi, Assembly deputy speaker H Biakzauva, SEDP Executive Board member MLA te, Planning department leh Finance department hotu te, SEDP kalpuitu line department hotute an tel a; September 2023 chhungin SEDP phase II hnuaia ṭanpuina dawng turte'n an dawn kim theih dan tur sawiho a ni.