MNF-in sorkarna a chan leh theih nan theihtawp kan chhuah dawn - MNYF

Mizo National Youth Front (MNYF) Headquarters hruaitute nimina Mizo Hnam Rûna ṭhukhawm chuan resolution pathum an pawm a; Zoramthanga leh a kaihhruai MNF-in Mizoramah sorkarna a chan leh ngei theih nan theihtawp an chhuah dawn thu an tarlang.

MNYF vice president Zodinpuia chuan, tunlaiin pawl leh ram rawngbawlnaa mi rinawm lote'n Mizo mipuiah rinawmna neih a ṭulzia uar takin an tlangaupui mek niin a sawi a, "Mizote chu kan pi leh pu hun lai aṭanga hnam huaisen leh rinawm kan ni a, MNF chuan rinawmna hi kan vawng reng tur a ni. Kohhran mipui pawhin mahni awmna kohhrana rinawm lote chu sakhaw rawngbawltu atan kan duh lo a, hetiang chiah hian politics-ah pawh mi rinawm lote chu ram kaihruai turin mipuite'n kan la hnualsuat zel a ni," a ti.

MNYF RESOLUTION

1. Zo fate inpumkhatna tur leh ṭanpui an ngaih hunah huaisen taka kan unaute hmaa ding ṭhin chief minister Pu Zoramthanga leh a kaihhruai MNF-in Mizo­ramah sorkarna a chan leh ngei theih nan theihtawp kan chhuah dawn.

2. Kan ram leh hnam himna tibuai thei tur zawnga sorkar laipui hmalakna hrang hrangte MNF sorkarin huaisen taka a dodal ṭhin hi lawmawm kan ti a, hei hian MNF chu Mizoram himna lung­phûm pawimawh ber a nihzia a tarlang.

3. Forest Conservation (Amend­ment) Act, 2023 dodalna reso­lution huaisen taka Mizoram Assembly House-ah pass a ni hi lawm­awm kan ti a. Mizoram hmasawnna leh a himna tura thawk turin MNF aia ṭha an awm lo tih a rawn lang chiang chho zel hi lawmawm kan ti.