PC President-in sorkar hmalakna ṭha a ti

Peoples' Conference (PC) party president Lalhmangaiha Sailo chuan nimin khan thuchah tichhuakin, ''Mizoram leh Assam ramria harsatna thleng leh a kaihhnawiha Mizoram sorkar hmalakna hi dan hnuai, mahni huang chhung ngeia dik taka chêtna a ni,'' a ti a; mipuiin sorkar an ṭawiàwm taimâk chuan sorkar a huaisen phah tur thu a tarlang.

Lalhmangaiha Sailo chuan, ramri buainaa Mizoram sorkar hmalak dan chu ṭha a tih thu sawiin, "Buai punlun tur dan nan te, ram leh mipui venhim nantea police rálthuam keng, buaina hmuna a dah hi mahni ram chhung ngeia dik taka hmalakna a ni,'' a ti. Cachar, Hailakandi leh Karimganj district-a hotute chêt dan chu dan leh an thuneihna piah lam thlenga an inlulinzia tilangtu a nih thu a sawi.