ZPM-in BJP an thawhpui dawn lo

ZPM General Headquarters Executive Meeting, an party pisaa nimina neih chuan resolution siamin, kumina Mizoram inthlanpuiah BJP an thawhpui dawn lo tih an puang.

ZPM Resolution chuan, "Kum 2023 Mizoram Legislative Assembly inthlan lo awm turah BJP kan thawhpui dawn lo tih kan puang e," an ti a; ZPM Gen. Hqrs hruaitu term ding lai, September 2023 thlaa tàwp tur chu pawhsei an remti a, hruaitu thar thlan hun atan March 2024 an ruat tih an tarlang.

ZPM chuan, "Pathian leh mipui zarah sorkarna kan lo chang ve hlauhte a nih chuan sorkarin Zo fate himna leh inpumkhatna tur atan nasa zawkin hma a la ang," an ti bawk.