Sorkar hnathawk nuar tur MCPA-te'n an thláwp

26th August, 2023

Mizoram Civil Pensioners’ Association (MCPA) chuan thuchhuah siamin, Federation of Mizoram Government Employees & Workers (FMGEW) bultuma sorkar hnathawkte'n lungawi lohna lantir an tum chu thinlung taka zawm ve ṭha an tih thu an tarlang.

Sorkar hnathawkte hian August 28-30, 2023, ni thum chhung pen/tool down strike hmangin lungawi lohna lantir an tum a; August 31 leh September 1, 2023-ah a huhoa chawlh, mass casual leave lak an tum bawk.

FMGEW hmalakna hi MCPA chuan an awmna hmun ṭheuhah thinlung taka lo zawm ve turin Mizoram leh Kerala-a an affiliated member zawng zawngte an hriattir a ni.