Pawl 6-in thisen unit 289 pe

August 26, Inrinni khan pawl hrang hrang parukin blood centre paliah thisen unit 289 an pe.

General PYD (Mizoram) chuan Civil Hospital blood centre-ah unit 70 pein, petute mipa 60 leh hmeichhia 10 an ni a; City PYD (NEI) chuan unit 47 pein, petute mipa 41 leh hmeichhia paruk an ni. Synod Higher Secondary School NSS-in unit 13 an pe a, mimala a thlawna pe mi pahnih an awm bawk. Civil Hospital tana pek zawng zawng hi unit 132 a ni.

Inrinni vêk khan KṬP, Kulikawn Pastor Bial chuan ZMC tan Kulikawn Vengthlang Kohhran Sunday School Hall-ah unit 88 an pe a, petute mipa 59 leh hmeichhia 29 an ni. KṬP, Vaivakawn Branch pawhin Synod Hospital tan an Godpel Centenary Hall-ah unit 32 an pe a, petute mipa 28 leh hmeichhia pali an ni.

Lawngtlai College Veng Bial LIKBK Ṭhalai Pawlin Lawngtlai District Hospital tan unit 39 an pe bawk.