Contractor leh supplier bill Health dept.-in an ba hnem

Health & Family Welfare department chuan supplier leh contractor bill cheng vbc. 11.84 an bá. Cheng vbc. 11.84 hi kum 2019-2023 chhunga an bat a ni.

Thu dawn danin, Directorate of Hospital & Medical Education-in kum 2019-2023 chhunga supplier bill an bat tling khawm chu cheng nuai 80.51 a ni a, Directorate of Health Services bat tling khawm chu cheng nuai 94.34 a ni. Zoram Medical College-in cheng vbc. 1.10 an ba mek bawk. Health Services pawisa bat bik chu K Deposit-ah a awm mek.

Contractor bill bá chu Health department hnuaiah Zoram Medical College chiahin an nei a, kum 2019-2023 chhunga an bat tling khawm chu cheng nuai 900 a ni.

Health & Family Welfare department-in kum 2019-2023 chhunga supplier bill an bat tling khawm cheng vbc. 2.84 leh contractor bill an bat tling khawm cheng vbc. 9 chu belh khawmin cheng vbc. 11.84 a tling.