Minister-in Zofest lungphun hawng

Mizo Zirlai Pawl Gen. Hqrs-in kum 2004, 2006 leh 2009-a Aizawla ZO FEST an buatsaih tawhte hriatrengna lungphun an buatsaih chu nimin khan minister Lalchhandama Ralte, MZP president hluiin a hawng.

Lalchhandama Ralte chuan, ZO FEST chu Zo hnahthlak inpumkhatna kût a nih thu sawiin, "MZP-in hetiang kût ropui leh hnam atana hlu a lo buatsaih hi a hlu tak zet," a ti a; buaina vanga mahni chenna hmun chhuahsana Mizoram bêltu zirlaite'n kum hloh loa zirna an chhunzawm zel theih nan Mizoram sorkarin theihtawp a chhuah thu a sawi bawk.