Damdawiin Bawngkawn veng phuh fai

Bawngkawn veng chhungah dengue vei an tam avangin Health department chuan nimin khan damdawi hmangin Bawngkawn veng an phuh.

Health department chhinchhiah danin, Bawngkawnah hian kumin January aṭanga nimin thlengin dengue (Elisa) vei mi 30 hmuh chhuah a ni tawh a, July-August chhunga rapid test-ah positive mi 103 hmuh chhuah a ni tawh bawk.

Bawngkawnah hian dengue vei an pun zel loh nan Health department chuan additional director Dr Chawngthanchhunga kaihhruaiin fogging an ti a, dam­dawi/bawlhlo hmangin hmun hrang hrang an phuh a ni. Dengue laka him nan in leh a vel tihfai a pawimawh thu an tarlang.

Health department chuan, Mizoramah chuan September thla velah dengue season a inṭan ṭhin tih tarlangin, dengue laka mipui himna turin in leh a vela tui tlin theihna tihbo te, tuizém ṭha taka chhin leh mutnaah thosi lên ṭha taka zarte a pawimawh thu an tarlang a; khawsik leh tihrâwl ná nei, dengue veia inringhlelte chu damdawi-inah inenfiahtir vat turin an chah a ni.