August 28-31, 2023 chhunga NH kawngpui thawm ṭhat phût

Kolasib District Driver's & Welfare Joint Action Committee chuan, NH-6 Vairengte-Sairang kawng chhe lutuk thawm ṭha tura August 28-31, 2023 chhunga hmalaknain hmasawnna a neih loh a, kawng siam ṭhat a nih loh chuan kawng zawh tawh rih lo tura hmalak an tum thu an puang.

Kolasib District Driver's & Welfare JAC tarlan danin, August 28 khan NH-6 kawngpui chhe laite an enfiah bakah, Bilkhawthlir lam kawng siamtu Ratna company hotute an pisaah an hmu a, Seṭhawn leh Kawnpui inkar kawng chhia pawh tlawhin, kawng siamtu company hotute an hmu bawk. Kawng siamtute chu a rang lama kawng chhia siam turin an ngen a ni.

Nimina KDDW JAC thuchhuah chuan, "August 28-31, 2023 chhunga hmalaknain hmasawnna a nei lo a nih chuan, hna chak zawka a kal theih nan Kolasib district huam chhunga lirtheia eizawngtute leh lirthei neitute'n NH-6 hi siam ṭhat a nih hma loh chuan kawng zawh rih tawh lo turin hmalak tum a ni," a ti.