END-in hmun 2-ah heroin man

Excise & Narcotics department (END) chuan August 28, Thawhṭanni zan dar 10:45 khan Selingah heroin kg. 2 (hawng 149) leh a neitua puh Bokul Uddin (23) leh Sabil Ali (24), Masly Banga Bazar, Karimganj district, Assam nia inchhalte an man. Heroin phurhna atana an hman Bolero Pikup AS-10 AC-1929 an hrêng nghal a ni.

END hian August 25, 2023 pawh khan Tuirial Vengchhakah heroin kg. 1.310 (hawng 100) leh a neitua puh Ali Hussain Laskar (40), Silchar leh Sebul Haque Barbhuiya (28), Amjurghat, Cachar district, Assam nia inchhálte an man a; an lirthei hman truck MZ-01 R-5429 an hréng nghal bawk.

Heroin an mante chu Myanmar aṭanga lak, Mizoram páwna hralh tur a nih thu END chuan an tarlang.