LC inthlan sawn turin ngen

Mizoram Peoples' Conference (MPC) party chuan, Mizoramah Covid-19 a darh zau zel avangin local council inthlan, August 27, 2020-a neih tur chu sawn turin nimin khan press release hmangin Mizoram sorkar an ngen.

MPC chuan, "Mipuite mangang leh rálkhèla kan tawmim mek lai hian, kan hma lawka local council inthlan kan hmachhawn tur hi, hripui punlun zel avangin, mipui tan a zuam awm loh avangin MPC party chuan August 27, 2020-a LC inthlan hun atana ruahmanna awm sa hi hripui laka mipui him zawk nan sawn leh ngei turin Mizoram sorkar kan ngen a ni," an ti. Village council inthlan tur pawh hripui vanga hun tawnin a zir ang zela ngaihtuahna séng thar ngam turin MPC chuan Mizoram sorkar an ngen bawk.