Hnatlangpui koin kawng chhia siam

YMA, Khawthlangtuipui Group Monitoring Committee, Tlabung VC leh Tlabung Zodin VC-te chuan August 29, Thawhlehni khan hnatlangpui koin, Tlabung panna kawngpui chhe lutuk an thawm ṭha a, mi 735 an thawk chhuak.

Hnatlangpui huaihawttute chuan, tun aia NH-302 a ṭhat zawk theihna tura khawtlang anga vawi tam an au chhuah tawh ṭhinnain an beisei ang rah ṭha a chhuah loh avangin hnatlangpui an ko tih an tarlang a, hnatlanga thawk chhuak zawng zawng chungah lawmthu an sawi. Hnatlangah hian Tlabung khaw chhunga mipui bakah, Tuichawng leh Dinthar khawtlang mipui eng emaw zat an thawk chhuak a ni.

Hnatlangpui atan hian Tlabunga lirthei neitu pawlte leh mimal eng emaw zatin lirthei an thawhchhuahpui a; bialtu MLA Nikar Kanti Chakma, khaw eng emaw zata VC-te leh pawl leh mimal ṭhahnem takin sum an thawh bawk.