PwD Commissioner-in college a endik

Persons with Disabilities (PwD) commissioner Vanlaldiki Sailo leh a thawhpuite chuan nimin khan Aizawla college pahnih - Zirtiri Residential Science College leh Aizawl North College-te an tlawh a, taksaa rualbanlote tana remchang an siamte an endik.

The Rights of Persons with Disabilities Act, 2016 Section 16-in zirna-in leh a hmunhmate mi tin hman theih a ni tur a ni, a ti a, chuvang chuan college-ahte taksaa rualbanlote tan remchang siamsak a nih leh nih loh PwD Commissioner hian a hmunah a enfiah a ni.

Vanlaldiki Sailo chuan, zirlai rualbanlote enkawl an nih danah a lawm thu a sawi a, college dangte pawh an la tlawh zel dawn thu a sawi. College hotute pawhin zirlai rualbanlo an neihte ṭha tak leh duat taka an enkawl thu an lo hrilh a ni.