Nagar Van project lungphùm phúm

Environment Forest & Climate Change minister TJ Lalnuntluanga chuan nimin khan Chief Wildlife Warden conference hall-ah khawpui boruak tihṭhatna tur, Nagar Van project lungphùm a phúm.

TJ Lalnuntluanga chuan, Mizoram pumah Green India Mission kalpui a nih theih nan hmalak a nih a sawiin, "Japan International Cooperation Agency sum hmangin Biodiversity Conservation and Forest Enrichment project-ah chak taka hmalak a ni. Project hian ramngaw bakah tui hnate a siam thar dawn a ni," a ti a; ṭan la tur leh ngaihtuahna thar hmang turin EFCC department-a thawkte a fuih.

Mizoram EFCC department-in Forest Conservation Amendment Act an ngaihdan leh a duh lohna chhante hun tiam chhungin sorkar laipuiah a thlen nia sawiin Minister chuan, "Heti chunga Lok Sabha-ah pass a ni tho hi pawi ka ti a, State Legislative Assembly chuan a duh lo tih lantirin resolution a pass a ni," a ti.

EFCC Minister hian The Golden Years of Mizoram Forest, Lungkulh Biodiversity Hotspot leh Photo Documentation of Murlen National Park tih lehkhabute a tlangzarh bawk a ni.