Education Minister-in sikul thar a hawng

School Education minister Lalchhandama Ralte chuan nimin khan Pathian pa lo kâwn Upper Sakawrdai khaw thara comprehensive school sak thar a hawng.

Pathian pa lo kawn Upper Sakawrdai hi khaw hmun thar a ni a, Upper Sakawrdai khaw chunga mite insawnna tura ruahman a ni. Sikul hawn tharah hian pawl 1-8 a awm a, zirtirtu panga an awm a ni.

School Education Minister chuan, mamawhtute mamawh phuhrûkna hmuh tur a awm chu hlimawm a tih thu sawiin, "Building ropui leh ropui loh lam ni loin, a hmun tur zawng chawpa khawtlang mamawh lian tak phuhrûk a ni hi a ropui a, naupangte zirna sikul hawn thar a nih tak avangin he laia chengte pawh an pun zel a beiseiawm. He khua kal zel turah méllung pawimawh tak a tling," a ti.

Lalchhandama Ralte chuan, zirtirtute chu hmathlir neia kal tura chahin, an chenna tur in khawtlangin an ngaihtuahpui a ṭul thu a sawi a; anganwadi sakna tur pawh ruahman nghal a ṭul thu a sawi bawk.