BMA-in fimkhur zual turin an chah

Bangalore Mizo Association (BMA) chuan Bangalore khawpuia lehkha zir tum leh hnathawh tumte tan tunlaiin fimkhur lehzual a ṭul thu an tarlang a, Bangalore-a awm tur Mizote chu BMA member ni ngei turin an chah.

BMA chuan, Bengaluru khawpuia hna thawk tur emaw, lehkha zir tur emawa awm thar turte chu an kal hmain BMA hruaitute thil zawt chiang hmasa turin an chah a; BMA president Laldingliana Tlau Vantawl phone no. 09972228955, secretary R Laldintluanga phone no. 09612573764 leh Lalvensanga phone no. 07337814473-ahte zawh theih a nih thu an tarlang.

#    College/institution leh hnathawhna hmun turah mahni emaw, chhungte emaw a hmun ngeia kal a, finfiah leh hriat chian hmasak a ṭha.

#    Mizorama chanchinbu leh cable TV hrang hrang hmanga admission leh hna ruak tih theih an rawn chhuah ṭhin hi finfiah hmasak zel tur a ni.

#    Admission buaipui nan emaw, hna hmuh nan emaw agent-te kuta pawisa pek hmasak loh hrâm ni se.

#    Mizo ngei kan dawr a nih pawhin, a hnua buaina a awm loh nan BMA hruaitute hriatpui ngei hi a ṭha hle a ni.

#    Identity card leh document pawimawh original ken tel ngei tur a ni a, hna kan zawm dawnin agreement letter felfai tak nena zawm ni se.

#    Bangalore-a lehkha zir tur leh hnathawk tur chuan BMA member nih ngei tur a ni.

#    Tunlai hri léng vangin Bangalore-a lo kal turte'n thu leh awm hma chu Karnataka sorkar portal siam Seva Sindhu ah in register a ngaih bakah, ni 14 chhung home/self quarantine tur a ni.