V Thangzama kut chhuak zirho a ni

Mizo Academy of Letters (MAL) chuan hla phuah thiam V Thangzama kutchhuak zirhona (seminar) nimin khan nimin khan Synod Conference Centre-ah an buatsaih a, Human Resource Development Board vice chairman Dr L Thangmawia, MLA-in a hmanpui.

Seminar hi MAL president Prof. RL Thanmawia'n kaihruaiin, Johnson College associate professor Lalrammawia Ngente-in thupui a sawi hawng a; mithiam 14-te'n paper an buatsaih zirho a ni.

Dr L Thangmawia chuan, V Thangzama hlate chu zir chian tlak a nih thu leh Mizo hnam tana hlu tak vek a nih thu a sawi a, "A hlate han zir chian hian Pu V Thangzama hi ram leh hnam hmangaihtu ropui tak a ni tih a hriat theih a, a hlate hmangin Zo fate a phuar khawm a, ṭhangthar zelte tan pawh zir zel tlak a ni," a ti.

V Thangzama hian a hla phuahte avangin MAL Academy Award, PUC Laisuih Award leh chawimawina hrang hrang a dawng tawh a ni.