Champhaiah buhtun chungchang zirho

Champhai District Education Officer pisa chuan nimin khan DEO training hall-ah Champhai District Students' Science Seminar an buatsaih a, district agriculture officer R Lalramhluni a hmanpui. Thupui chu 'Millets - A super food or a diet fad' tih a ni.

R Lalramhluni chuan, kum 2023 chu United Nations-in Year of Millets atan a puan thu a sawi a; buhtun (millets) chu Mizo pi leh pute'n faisa/buhtun tiin an lo chìn tawh ṭhin thu sawiin, "Pathianin kan rama a dah sa millets hi sum leh hmasawnna duh luat vanga humhalh loin ram dang siamah kan innghat a, kan rama awm sa aiin ram dang buh hlir kan ei tawh a, kan rama awm sa millets chìn kan intihhmuh leh a ngai," a ti.

Zirhonaah hian thupui hmangin intihsiak neih a ni a, intihsiaka pakhatna chu state level-ah Champhai district aiawhin an tel dawn a ni.