Home Minister-in police hmun a tlawh

Home minister Lalchamliana chuan nimin khan Mizoram Armed Police (MAP) 1st battalion leh 3rd batallion hmunhmate a tlawh a; state dang aṭanga lo kal police-te thlenna ṭhin barrack te, mess, police firing range siamṭhatna tur leh kawng siamnate a hmunah a enfiah.

Lalchamliana chuan, police-te chu mipuite ṭhian an nih thu sawiin, "Mipui rawngbawltu leh puitu in ni a, a ṭulna apianga chêa ram rálmuanna vawnghimtu in nih avangin mipui rin ngam in nih a pawimawh," a ti a; rilru, taksa leh thlarau hriselna ngaih pawimawh a ṭul thu a sawi.

Home Minister chuan, Home department-in hmasawnna an neih thu sawiin, "Emergency Response Support System (ERSS), Mizoram Police Safety Act, 2011, All Women Police Station, Aizawl leh Lungleia police station hrang hrangah CCTV dahte leh tourist police-te leh thil dangahte pawh hmalak mek zel a ni," a ti. Home Minister hi Mizoram police hotu lute'n an ṭawiawm a ni.