Congress vice president atan Lalnunmawia Chuaungo ruat a ni

Mizoram Pradesh Congress Committee (MPCC) Executive Committee chuan MPCC vice president atan Lalnunmawia Chuaungo, IAS (Rtd) an ruat a, vice president ni lai Lal Thanzara chu senior vice president atan an ruat bawk.

MPCC Executive Committee hi nimin khan Lal Thanhawla Auditorium-ah an president Lalsawta kaihhruaiin an ṭhukhawm a; senior vice president atana Lal Thanzara, Zarkawt ruatna leh vice president atana Lalnunmawia Chuaungo ruatna chu an pawm a ni.

MPCC thuchhuah chuan, "MPCC chuan hruaitu ṭha leh rintlak, Congress party leh Mizoram hruaitu tur Pathianin Congress party min pek avangin lawmthu a sawi a. Hetiang hruaitu ṭha, Mizoram mipuite tan kan ram, kan hnam leh kan sakhua humhim tura min thawhpui turin Congress party chuan duhsakna a hlan a ni," a ti.