August 2023 chhungin Hripui vei mi 4 hmuh a ni

August 2023 chhung khan Covid-19 vei nia rinhlelh mi 12 endik an ni a, chu'ng zinga mi pali chu Covid-19 positive an ni tih hmuh chhuah an ni.

Mizorama swab sample endik tawh zat chu 19,96,735 niin, positive 2,39,559 hmuh chhuah a ni tawh a, mi 2,38,825-te dam taka an chhuah leh laiin, mi 734 an thi thung.

Kumin August thlaa Covid-19 positive hmuh chhuahte chu August 7&8-a hmuh chhuah an ni a, August 9 aṭangin hmuh chhuah an awm tawh lo. August 26 aṭangin swab sample endik a awm tawh rih lo a, August 14 aṭangin Mizoramah Covid-19 positive an awm tawh lo bawk.