END-in January-August 2023 chhungin zu lt. 64,075 leh heroin kg. 67 an man

Excise & Narcotics department (END) chuan kumina thla riat kal ta, January-August chhungin zu litre 64,075 leh zu ûm 21,230, heroin kg. 67.010 leh methamphetamine kg. 42.715 an man.

END hian Assam Rifles nen ṭang dunin August 31, Ningani tlai dar 3:15 khan Champhai Bethel Vengah heroin gram 852.160 (hawng 70) leh a neitua puh Thangsanglian (38) s/o Paukhantuanga, Bulfek, Myanmar nia inchhál an man.

August 31 vek khan tlai dar 5:30-ah Champhai-Aizawl kawngah heroin gram 60.200 (hawng 5) an man bawk a; a neitua puh Lalrinmuana (32) s/o K Rorelsaka (L), Khawzawl Vengthara khawsa nia inchhál an man tel bawk.

Heroin vanga mante lakah The Narcotics Drugs & Psychotropic Substances Act, 1985 tlawhchhanin thubuai ziah luh a ni.