Environmental humhalh inzirtir

Akashvani (AIR), Aizawl leh Ailawng Branch YMA chuan nimin khan Ailawnga Khuangchera Hall-ah boruak, ramngaw leh tuihna humhalh tura inzirtirna, G-20 Awareness Campaign on Environmental Protection an buatsaih.

Inzirtirnaah hian AIR director DR Lalropuia chuan, chhuan lo la awm zel turte tan boruak ṭha siam a ṭul thu sawiin, "Environment tih hian chi hnihin a sawi theih a, pakhat chu chhehvel boruak thing leh maute a ni a, pakhat dang chu mihring nunhona leh inlaichinnate a ni," a ti a, environment leh mihringte inchhawr tawn a pawimawh thu a sawi. Khawvel boruak chhe tawh tak laka invên a pawimawh thu zirlaite a chah bawk.

Inkhawmah hian Khuangchera Pûk bula FM Zoawi Bûngpui phuntu leh FM Zoawi Fan Club dintute zinga mi Lalzidinga Renthlei (L) hriatrengna thuziak hlan a ni.