Minister-in leiminna hmun a enfiah

Minister Lalruatkima chuan nimin khan a bial Aizawl West-II chhunga Vaivakawn Zohnuai penga leiminna hmun leh, Vaivakawn, Hunthar Veng leh Dawrpui Vengthar inrinaa kawng tlahniam a enfiah. Lei tlahniam siamṭhatna tur ruahmanna sorkarin a ngaihtuah tur thu a sawi.

Lalruatkima chuan, Vaivakawn Zohnuai péng chu Mizoram University leh FCI kudam kalna kawng a nih bakah, Aizawl tlak lam mipui tan kawng pawimawh a nih thu a sawi a, "Chhiatna thlen belh lo zawnga lirthei kaltlangtir leh dan zawn a ṭul. Chutihrualin, lei a la tawlh a, a la che mek zela a lan avangin ruahmanna nghet leh lian tham siam nghal erawh a harsa," a ti.

Sorkar thuchhuah tarlan danin, Vaivakawn Zohnuai kaltlanga MZU kawng chu lirthei tê kaltlang theiha lai zau hleka siàm rèm dan zawng turin PWD tih a ni a; PHE department leh Disaster Management & Rehabilitation bakah, AMC-te pawh an mawh­phurhna ṭheuhte ngaihtuah nghal tura tih an ni bawk.