Aizawlah in sak ṭanpuina dawng thei chhungkaw 7,570 an awm

Aizawl district-a Pradhan Mantri Awas Yojana - Housing For All (Urban) hnuaia in sak ṭanpuina pek turte hnena thil pawimawh hrilhfiahna hun hman chu nimin khan zawh a ni. Aizawl khawpuiah in sak ṭanpuina dawng thei chhungkaw 7,570 an awm.

Sorkar thuchhuah tarlan danin, Aizawl khawpui atan detailed project report (DPR) pathum buatsaih a ni a, in sak ṭanpuina dawng thei 7,570 an awm a; Mizoram pumah ṭanpuina dawng tur chhungkaw 37,244 an awm a ni.

In sak ṭanpuina hi chhungkaw 35,737-in first instalment Rs 60,000 ṭheuh an dawng tawh a, la dawng lo chhungkua 1,507-te chu September 2023 hmain first instalment pek vek tum a ni. Kum 2024 ral hmain ṭanpuina dawng tur chhungkua zawng zawng pawisa pek vek tura hmalak a nih thu sorkar thuchhuah chuan a tarlang bawk.