PYD-in Environmental Rally an huaihawt

General PYD (NEI) Envi­­ronment Protection Committee chuan September 2, Inrinni zing khan Aizawlah Environmental Rally an huaihawt a, Environment, Forest & Climate Change minis­ter TJ Lalnuntluanga'n hmanpuiin, Rs 10,000 a hlân.

Environmental Rally-ah hian Aizawla UPC (NEI) pastor bial 16 aṭangin PYD member eng emaw zat an thawk chhuak. Sikulpuikawn aṭanga Vanapa Hall inkar leh Millennium Centre aṭanga Vanapa Hall inkara khawlaia bawlhhlawh awmte an chhar fai a, Vanapa Hall kawtah intâwk khawmin, inkhawm tawi buatsaih a ni a, environment humhalh turin thutiam an sawi rual a ni.

Minister chuan, PYD-in envi­ronment veina neia Committee an din chu lawm­awm a tih thu leh an hmalaknain Mizoram tan rah ṭha a chhuah ngei a beisei thu a sawi a; "Kohhran ṭhalai kan nihnaah hian faina hi kan tih tur a ni a, Pathian kan anna a ni," a ti.