Pawl pariatin thisen unit 346 an pe

September 2, Inrinni khan Mizoramah pawl pariatin thisen unit 346 an pe. ṬKP, Republic Vengthlang Bial chuan Civil Hospital, Aizawl tan unit 107 pein, petute mipa 81 leh hmeichhia 26 an ni a, Mizoram Gorkha Youth Association chuan ZMC tan unit 81 pein, petute mipa 73 leh hmeichhia pariat an ni. KṬP, Chawnpui Vengthlang Branch-in Synod Hospital tan unit 23 an pe a, petute mipa 20 leh hmeichhia pathum an ni.

LIKBK Ṭhalai Pawl, Paithar Bialin Lawngtlai district Hospital tan unit 40 an pe a, petute mipa 35 leh hmeichhia panga an ni a; Evangelical Church of Maraland KTP, New Colony Bial-in Siaha District Hospital tan Gosen Kohhran Hall-ah unit 21 an pe a, petute mipa 15 leh hmeichhia paruk an ni.

PYD (NEI), Kolasib-te'n District Hospital tan unit 43 pein, petute mipa 36 leh hmeichhia pasarih an ni a; KṬP, Serchhip Vengchung Bialin District Hospital tan unit 19 an pe a, petute mipa 15 leh hmeichhia pali an ni. Lungleia PYD (Mizoram) member mipa 11 leh hmeichhia pakhatte'n Lunglei Civil Hospital tan unit 12 an pe bawk.