Khawtlangin sikul khàr an thláwp

West Phailenga tlawmngai pawlte leh political party-te telna Joint Action Co­m­mittee chuan, Mizorama sorkarna chelh mektute'n an lo tiam tawh ang ngeiin, West Phaileng Higher Secondary School chu lumpsum grant-in-aid aṭanga adhoc grant-in-aid dinhmuna hlàn kai ngei an phût thu leh, hlàn kai a nih hma chuan sikul khâr zui zel a nih tur thu an tarlang.

West Phaileng JAC hruaitute chu September 2, Inrinni zing khan an inhmu khawm a, reso­lution an siam. Resolution-ah chuan W Phaileng HSS chu adhoc grant-in-aid dinhmuna hlàn kai ngei an phût thu an tarlan bakah, "Kan sorkarin kan ngen anga min tihhlawhtlinsak loh chuan JAC-in a ṭul angin hma a la ang. MIGLAHSSA hmalakna hi a tàwp thlengin kan thláwp zel dawn a ni," an ti.

Board member leh sikul aiawhte'n September 6, 2023-a Chief Minister an hmuhah thu lawmawm an hmuh loh chuan West Phailenga in tinah flag dum zàr an tum thu an tarlang bawk.

Mizoram Govt. Lump­­sum Aided Higher Secondary School Association chuan an sikul, khaw pakuaa lumpsum aided higher secondary school-te chu adhoc grant-in-aid dinhmuna hlàn kai an phût avangin August 29, 2023 aṭangin tiam chin awm loin sikul an khâr a, tun thleng­in an la khar a ni