DGP leh CYMA hruaitute inkâwm

Director general of police (DGP) Anil Shukla chuan nimin khan a pisaah Central YMA hruaitute a kâwm a, thil pawimawh chi hrang hrang an sawiho.

Anil Shukla chuan a ngaih pawimawh chi hrang hrangte a sawi bakah, kumina Mizorama MLA inthlanpui awm tur chu inthlanna thianghlim leh muanawm a nih theih nan police-te leh YMA-te an thawhho ṭhat a ṭul thu sawi.

Inkawmhonaah hian Mizorama ruihhlo hluar lutuk leh tihrêmna tura YMA leh police-te chak leh zuala thawhho dan tur te, ruihhlo ngaite enkawl chungchang te, inthlanpui neih hma ngeia ram pawn aṭanga ruihhlo rawn lut dang tura hmalakho chungchangte sawiho a ni.

DGP hi DIG (Northern Range) Lallianmawia'n a ṭawiawm a, CYMA hruaitute chu president R Lalngheta hoin office bearer-te an ni.