Bawrhsap leh MJA inkâwm

Hnahthial district bawrhsap Chuauhnuna chuan nimin khan DC Conference Hall-ah MJA, Hnahthial district member-te a kâwm a, IPRO K Ngosai'n a ṭawiawm.

Chuauhnuna chuan, thuthar thehdarhtute chu sorkar leh mipui inkara palai hna thawktu an nih thu sawiin, "Mipui hnena thu dik leh tluantling tichhuak ṭhintu in ni," a ti a, district inrêlbàwlnaa in mawhphurhna hre reng a, thu dik thehdarhna leh mipui zirtirnaah ṭan la thar turin a chah. Kawng engkimah inngaichâng tawn a, thuràwn inpe tawn ṭhin turin a sáwm bawk.

Hnahthial MJA president F Zosangliana chuan, hun lo kal zel turah thawhhona ṭha tak nen an kal tlan a beisei thu a sawi a ni.