KṬP Chhanchhuahna Camping

Central KṬP chuan nizan aṭang khan Synod Camping Centre, Neihbawihah KṬP member ruihhlo ngaite pualin Chhanchhuahna Camping an buatsaih a, September 23, 2023-ah a ṭiak ang.

Chhanchhuahna Camping-ah hian mi 150 lut tura ruahman a ni a, mahse, mi 400 chuang an lut. A tir lam ni 10 chhung an taksa enkawlna hun (detox) atan hman a ni dawn a, September 13 aṭangin speaker T.Upa Jerry Lalṭanpuia, Krista Remna Palai Team hoa hun hman a ni ang.

Camping hi KṬP member-te tana buatsaih ni mah se, kum 40 pêl tawh leh kohhran dang aṭanga lut an awm nual a ni.