BJP hlauh inzirtir hi Congress party propaganda lian ber a ni - BJP Secretary

BJP National secretary Pawan Sharma chuan nimin khan BJP, Mizoram Pdaresh pisa, Aizawlah thu sawiin, Mizorama BJP hlauh inzirtir ṭhin chu Congress party thil tum (propaganda) lian ber a nih thu leh inthlan dawn apiangin nasa taka an vawrh darh ṭhin thu a sawi.

Pawan Sharma chuan, "Mizorama BJP hlauh kan inzirtir hi Congress party propaganda lian ber a ni a, inthlan dawn apiangin nasa takin Kristian state-ahte siam chawp leh lemchan video-te an vawrh darh ṭhin a, mi tam tak chuan an lo awih mai ṭhin. BJP Pu Modi kaihhruai sorkar kum 9 chhung hian Mizoram mipuite'n harsatna eng nge kan tawh a, Kristian kan nih vanga sorkar laipuiin kan thlauhthlakna che u a awm em?" a ti.

Sorkar laipui scheme hrang hrangte chu a nihna angin Mizoram sorkarin an kalpui ṭhin em tih chu a zawhna a nih thu sawiin Kumar chuan, "Development tak tak, mi rethei thleng phak hi Mizoram hian a phû a, state sorkar ṭha erawh neih a ngai," a ti a; sorkar laipui nen lungrual taka hmasawnna hna thawk tur state sorkar Mizoramin a mamawh niin a sawi.

Pawan Sharma chuan, kum nga kal ta khan BJP aṭanga Mizoram enkawltu a nih tawh thu sawiin, "Khang hun laia Mizoram hmélhmang leh vawiina Mizoram hmélhmang hi a la danglam vak lo tih ka hmu a, a rilru natthlak hle. Hmasawnna hnathawh tam zawk chu sorkar laipui hmalakna a ni. State sorkar hmalaknaa hmasawnna hnathawh hmuh hlàn a nghahhlehawm hle a ni," a ti.

"Programme te lo zirchiang turin Mizoram mipui te ka sawm che u a ni," a ti bawk.