Mizoram BJP pisa hawng ṭan

BJP Mizoram Pradesh chuan nimin khan an pisa chu kum 2020 atan an hawng ṭan a, hawnna inkhawmah Mizoram BJP president Vanlalhmuaka'n thu a sawi.

Vanlalhmuaka chuan, BJP chu India ramah political party lian ber  nia sawiin, "Khawvela party lian ber BJP-ah hian Mizoramah member sing sarih vel tunah kan awm mek a, kum 2023-ah chuan Mizoramah sorkarna kan siam ngei theihna turin member tinte hma la turin ka sawm che u a ni," a ti.

Tunlaiin Citizenship Amendment Act dodalna nasa tak a awm tih sawiin, "Mizorama pawl hrang hrangte'n kan duh dan ang leh Pathian hnena kan dil angin CAA chuan Mizoram min huam lo a, Pathian hnenah lawm thu sawi mawlh mawlh tur kan ni," a ti a; Mizorama Congress president Lal Thanhawla'n CAA chungchangah Amit Shah-a'n ama thu thuin thil a tikual vel ang leh ILP chung­changa Amit Shah thusawi chu phuahchawp anga a ngai chu CAA a hriat chian loh vanga a ngaih thu a sawi.