Thla nga chhungin Synod-in cheng nuai 53,051.77 a hmu

Synod Finance Committee chu nimin khan JM Lloyd Hall, Synod Office-ah an ṭhukhawm a; financial year kal mekah thla nga, April-August chhungin Synod-in Rs 5,30,51,77,823 (nuai 53,051.77) a hmuh thu tarlan a ni.

Synod Finance Committee ṭhutkhawm vawi 146-naah hian member 43 an tel a, Synod moderator Rev. Dr C Chawnghmingliana'n kaihruaiin, finance officer Rev. VL Luaia Hranleh-in sum dinhmun a sawifiah.

Finance Officer tarlan danin, Mizoram Synod hian April-August, 2023 chhung khan Rs 5,30,51,77,823 a hmu a; chu'ngte chu Pastoral-ah Rs 3,22,08,85,659 leh Mission-ah Rs 2,08,42,92,164 a ni.