Mizoram sorkarin a hnathawkte hlawh a la pe lo

Mizoram sorkar chuan a hnathawkte hlawh nimin thleng khan a la pe lo nia thu dawn a ni a; sorkar hnathawkte chuan hlawh an la la lo tih an sawi hlawm.

Thu dawn danin, Mizoram sorkarin a hnathawkte hlawh a pek theih hun tur hi sawi theih a ni lo a; tun kar chhungin Finance department aṭanga pek chhuah theih beisei a nih rualin, pek chhuah hman ngei a nih dawn leh dawn loh sawi theih a ni lo.

Sorkar hnathawkte hlawh pek tlai ṭhin chungchangah Finance enkawltu chief minister Zoramthanga chuan February 13, 2023-a press conference a neihnaah, "... Mizoram sorkar hian hlawh hi pek theih loh kan nei lo ang tluk a ni a. Thla thar ni khatah emaw, thla tawp ni 31-ah emaw kher kher kan pek theih lohna chhan chu, khutah, kan pawisa hmuhna ber share tax te, khang ho rawn kal kha a tlai ta si a, thla chanveahte kan pe a ni... Ni 1-a pek a, a thla leha ni 1-ah pek leh emaw, ni 15-a pek a, a thla leh ni 15-a pek pawh kha a amount a inang reng tho a, a danglam lo reng reng," tiin a lo sawi tawh a ni.