Zo hnahthlakte inpumkhat dan tur sawiho

Mizorama NGO Coordination Committee hruaitute leh Manipur-a Zo hnahthlak páwl hrang hrang hruaitute chu nimin khan Central YMA Hall-ah an inhmukhawm a; Zo hnahthlak hnam peng hrang hrangte inpumkhat ṭhat lehzual dan tur an sawiho. 

Inkawmhona hi Joint NGO chairman R Lalngheta'n a kaihruai a, mi 150 vel an tel. Páwl hrang hrang hruaitute chuan inunauna ṭha tak a awm theihna tura an ngaihdan leh duh dan te, kal dan tur nia an hriatte an sawi a ni. Inkawmhona chuan boruak ṭha tak hring chhuak ngei se an duh thu an sawi a; ngun zawka la rêl leh ni se an ti.