National Hackathon khâr a ni

Mizoram Pollution Control Board leh National Institute of Technology, Mizoram chuan nimin khan Aizawla National Hackathon on Waste Reduction an buatsaih khârna inkhawm Police Headquarters multipurpose hall-ah an hmang.

Sorkar laipui hnuaia Mission LiFE-in ti tura a tih angin National Hackathon hi buatsaih a ni a, India ram hmun hrang hrang aṭangin IT zirlaite leh IT lama tui mite an tel. July 2023 tìr lamah ṭan a ni a, nimin khan an khar ta a ni. Hackathon chhungin thil chi hrang hrang inzirtir a ni a, environment humhim tur leh tichhe lo turin thu an tiam bawk.