PWD-in kawng an thawm ṭha dawn

Vaivakawn leh Mizoram University inkar kawng chu PWD-in vawiin aṭangin an siamṭha dawn a, hei vang hian hna thawh zawh hma chu kawngpui hi ni tin chawhma dar 10 aṭanga tlai dar 4 inkarah khâr a nih dawn thu Aizawl Traffic SP Stephen Lalrinawma'n a tarlang.

Traffic SP tarlan danin, Vaivakawn-MZU kawngah hian hnathawh tibuai thei tura lirthei leh bungrua dah phal a ni lo a; lirtheite chu Vaivakawn-Seventh Day Tlang lamah chhoin, DMR office bul aṭanga Chawnpui kâwnah chhuk thlain, Zotlang aṭangin Chhhangurkawn lamah kal theih a ni. Seventh Day Tlang - Zotlang kawngah pawh chhuk theih a ni a, Chhangurkawn-Zotlang lamah chhoin Vaivakawnah a kal theih a ni bawk.