Digene chi khat hmang/ei lo turin chah

Drugs Controller General, India (DCGI) chuan pum damdawi, Digene Gel hmang chhunzawm lo turin damdawi lam mite leh mipui a chah.

DCGI hian tun hnai khan hriattirna a chhuah a, Digene Gel chungchangah fimkhur turin doctor leh healthcare professional-te a chah. Digene Gel (mint, orange leh mix fruits flavour) batch ei damlote dinhmun thlir zui a, nghawng/hlet ṭha lo (adverse reaction) a awm leh awm loh ngaihven zui tur leh a hmangtu tana pawi a awm palh loh nan hmang chhunzawm lo turin a chah a ni.

Sorkar thuchhuah chuan, DCGI thuchhuah chu mipui tan chî-âi phahna tur a awm loh thu a tarlang a, "Damdawi ṭha lo ei palh a awm lohna tura fimkhurna thu a ni. Mizoramah Digene Gel, Abbott India Ltd., Goa Plant siam rêng rêng chu ei zui loh tur a ni a, damdawi zuarte pawhin hralh chhuak loin, stockist/manufacturer-ah a rang thei ang berin an thawn kîr tur a ni," a ti.

DIGENE GEL CHUNGCHANG

▶ Mûm (tablet) leh tui (gel/liquid) a awm.

▶ DCGI hriattirna hian Goa Plant aṭanga siam a kawh bik avangin, Abbott India Ltd., hmun danga siam a huam lo.

▶ Digene tui chauh a huam a, a mûm a huam lo.

▶ Abbott India Ltd., Verna Industrial Estate, Salcette, Goa - 403722-in DCGI hnenah Digene Gel an siam.

▶ Hmun hrang hranga an hralh chhuah tawh chu batch pakhatah complaint a awm avangin Digene Gel (mint, orange leh mix fruits flavour) batch zawng zawng an ko kir (recall) a, an siam zui rih lo.

▶ Central & State Drugs Regulator chu Abbott India, Goa Plant siam Digene Gel-te enfiah tura hriattir an ni.