Milan-a NE India Festival-ah Mizo hnam làm entir dawn

Italy Consul General of India leh North East Institute of Fashion Technology (NEIFT) chuan September 9, 2023 hian Milan, Italy-ah North East India Festival an buatsaih dawn a, Art & Culture department hnuaia Senhri Folk & Cultural Troupe an tel dawn a, nimin khan India an chhuahsan.

Senhri Folk & Cultural Troupe hi Ministry of External Affairs hnuaia Indian Council for Cultural Relations sâwm leh tirha Milan-a NE India Festival-a tel tur an ni a, Mizo hnam lâm, zai leh rimawite an entir dawn a ni. September 13, 2023-ah India lam an rawn pan leh ang.

Senhri Folk & Cultural Troupe chuan, NE India Festival-ah hian hmarchhak bial aṭangin anni chauh tel tura sàwm an nih thu an tarlang a, "Kan tel theihna tura hma min laksaktu chief minister Pu Zoramthanga chungah kan lawm hle a ni," an ti.